ОПШТИ УСЛОВИ ЗА УЧЕСТВО ВО ПРОМОЦИЈАТА „ORANGE DAYS
1. Организатор на промоцијата
Организатор на промоцијата е Финансиско друштво КРЕДИСИМО ДОО Скопје, со седиште на ул. Максим Горки бр. 11-1/4, Скопје, Република Северна Македонија (во понатамошниот текст: „Организаторот“).
2. Период на траење на промоцијата
Промоцијата се организира и спроведува во периодот од 02.11.2026 година до 30.11.2026 година, вклучително.
Организаторот го задржува правото да го измени или да го прекине периодот на траење на промоцијата, во согласност со важечките законски прописи и овие Општи услови. Секоја промена ќе биде објавена преку официјалните комуникациски канали на Организаторот.
3. Услови за учество во промоцијата
Право на учество во промоцијата имаат физички лица кои поднесуваат барање за кредит и на кои претходно не им бил одобрен и исплатен кредит од Финансиско друштво КРЕДИСИМО ДОО Скопје, под услов да ги исполнуваат и останатите критериуми за одобрување на кредитот.
Лицата кои претходно имале одобрен и исплатен кредит од Организаторот немаат право на користење на промотивната поволност, без оглед на тоа дали претходниот кредит е целосно отплатен.
Со користењето на промотивните услови, Кредитобарателот потврдува дека е запознаен со овие Општи услови и дека ги прифаќа условите за користење на промоцијата.
Кредитобарателот е должен да ги исполнува условите утврдени со овие Општи услови, како и важечките услови за кредитниот производ Плус.
4. Промотивна поволност
Во рамките на промоцијата „Orange Days“, Кредитобарателите кои ги исполнуваат условите утврдени со овие Општи услови можат да го користат кредитниот производ Плус, односно кредит на рати, со 0% камата и 0% кредитни надоместоци, со примена на попуст.
Промотивната поволност опфаќа целосно ослободување од каматата и од применливите кредитни надоместоци за кредитот, вклучително и надоместоците за доброволно избраните дополнителни услуги поврзани со кредитот, доколку таквите услуги се вклучени во конкретното кредитно барање.
Користењето на промоцијата не е условено со избор на дополнителна доброволна услуга. Кредитобарателот може да ја користи промотивната поволност и без избор на таква услуга.
Промотивната поволност се применува под услов Кредитобарателот да ги исполнува критериумите за учество во промоцијата и да биде одобрено неговото кредитно барање согласно редовната постапка на Организаторот.
5. Ограничувања и примена на промотивниот код
Организаторот го задржува правото да ја одбие примената на промотивната поволност доколку утврди дека Кредитобарателот не ги исполнува условите за учество во промоцијата или дека постојат други пречки за одобрување на кредитот согласно важечките услови и законски прописи.
Доколку се утврди дека Кредитобарателот претходно имал одобрен и исплатен кредит од Организаторот, промотивниот код OD2026 нема да се примени, а кредитното барање може да продолжи да се обработува согласно редовните услови за кредитниот производ Плус, без промотивната поволност, доколку Кредитобарателот се согласи со таквите услови.
Промотивниот код може да се користи исклучиво во рамките на промоцијата и на начин предвиден со овие Општи услови. Неговата примена не претставува гаранција за одобрување на кредитот.
Секое кредитно барање подлежи на редовна процена на кредитоспособноста и на исполнувањето на критериумите за одобрување на кредитот, согласно Кредитната политика на Организаторот и важечките услови за разгледување и одобрување на кредитните барања.
6. Измени и дополнувања на Општите услови
Организаторот го задржува правото да ги измени или дополни овие Општи услови, како и да ја измени или прекине промоцијата, доколку постојат оправдани причини за тоа и во согласност со важечките законски прописи.
Сите измени и дополнувања ќе бидат објавени преку официјалните комуникациски канали на Организаторот, со наведување на датумот од кој се применуваат.
Измените нема да влијаат врз правата што Кредитобарателите веќе ги стекнале врз основа на одобрена промотивна поволност, освен ако поинаку не е дозволено со важечките законски прописи.
7. Заштита на личните податоци
Обработката на личните податоци во врска со промоцијата се врши во согласност со важечките прописи за заштита на личните податоци и применливите известувања и правила за приватност на Организаторот.
8. Општи одредби
За сите прашања што не се уредени со овие Општи услови, се применуваат важечките општи услови за кредитниот производ Плус, договорните документи и применливите законски прописи на Република Северна Македонија.
9. Завршни одредби
Со користењето на промотивните услови, Кредитобарателот потврдува дека е запознаен со овие Општи услови и дека ги прифаќа условите за користење на промоцијата.
Овие Општи услови стапуваат во сила на 30.10.2026 година, а се применуваат од 02.11.2026 година.
