SHF KREDISIMO SHPK Shkup (në tekstin e mëtejmë: „KREDISIMO“ ose „Shoqëria“) është e përkushtuar ndaj mbrojtjes së të dhënave personale dhe privatësisë së klientëve të vet dhe të të gjithë personave të dhënat personale të të cilëve i përpunon. Me këtë Politikë të privatësisë (në tekstin e mëtejmë: „Politika“) rregullohet në mënyrë transparente se si KREDISIMO, në cilësinë e kontrolluesit, i mbledh, përdor, ndan dhe ruan (në tekstin e mëtejmë: „përpunon“) të dhënat personale, në pajtim me Ligjin për mbrojtjen e të dhënave personale („Gazeta Zyrtare e Republikës së Maqedonisë së Veriut“ nr. 42/2020, 294/2021 dhe 101/2025) (në tekstin e mëtejmë: LMDhP).
І. KONTROLLUESI DHE TË DHËNAT E KONTAKTIT
Kontrollues i të dhënave personale është SHF KREDISIMO SHPK Shkup, me NRSH 7134185, me seli në rr. „Maksim Gorki“ nr. 11/1-4, Shkup – Qendër. Me ne mund të vendosni kontakt në numrin e telefonit 02 511 1010 ose në adresën e postës elektronike support@credissimo.mk.
KREDISIMO ka caktuar Oficer për mbrojtjen e të dhënave personale (në tekstin e mëtejmë: OMDhP), te i cili mund të drejtoheni për të gjitha çështjet që lidhen me përpunimin e të dhënave Tuaja personale dhe me realizimin e të drejtave Tuaja, në adresën e postës dpo@credissimo.mk ose në numrin e telefonit 02 511 1010.
II. PARIMET PËR PËRPUNIMIN E TË DHËNAVE PERSONALE
KREDISIMO i përpunon të dhënat personale në pajtim me parimet e përcaktuara në nenin 9 të LMDhP. Të dhënat personale i përpunojmë në mënyrë të ligjshme, të drejtë dhe transparente, vetëm për qëllime konkrete, të qarta dhe legjitime dhe nuk i përpunojmë më tej në mënyrë që nuk është në pajtim me ato qëllime. Mbledhim vetëm të dhëna që janë të përshtatshme, relevante dhe të kufizuara në atë që është e nevojshme për realizimin e qëllimeve të përpunimit, duke ndërmarrë masa të arsyeshme që të dhënat të jenë të sakta dhe të përditësuara. Të dhënat personale i ruajmë në formë që mundëson identifikimin e subjekteve jo më gjatë se sa është e nevojshme për qëllimet për të cilat përpunohen, ndërsa sigurinë e tyre e sigurojmë me masa të përshtatshme teknike dhe organizative që parandalojnë përpunimin e paautorizuar ose të paligjshëm, humbjen, shkatërrimin ose dëmtimin e rastësishëm. KREDISIMO është përgjegjëse dhe mund të dëshmojë pajtueshmërinë me parimet e theksuara.
ІІІ. KATEGORITË E TË DHËNAVE PERSONALE QË I PËRPUNOJMË
Në varësi të marrëdhënies që keni me KREDISIMO dhe të shërbimeve që i përdorni, i përpunojmë kategoritë e mëposhtme të të dhënave personale:
- Të dhëna identifikuese: emër dhe mbiemër, NUAQ, numër të letërnjoftimit me datë, vend të lëshimit, vlefshmëri dhe organ që e ka lëshuar, kopje të letërnjoftimit (ana e parme dhe e pasme), respektivisht pasaportë ndërkombëtare, shtetësi, adresë të përhershme dhe momentale, nënshkrim;
- Të dhëna kontakti: numër telefoni, adresë të postës elektronike, adresë për dorëzimin e dokumenteve nëse është e ndryshme nga adresa e banimit;
- Të dhëna financiare dhe kreditore: të dhëna për llojin e punësimit dhe punëdhënësin, të ardhura, gjendje pasurore, histori kreditore dhe detyrime aktuale, të dhëna për mënyrën e zgjedhur të pagesës së kredisë, numër të llogarisë bankare dhe informacione tjera pagese që lidhen me transaksione në favor të Shoqërisë;
- Të dhëna për profilin elektronik: numër unik përdoruesi për identifikimin e profilit elektronik në sistemin e KREDISIMO, numër identifikues të kërkesës së parashtruar, respektivisht kontratës së lidhur për kredi konsumatore;
- Të dhëna për ekspozim politik: të dhënë nëse personi është bartës i funksionit publik, respektivisht person i lidhur me bartës të funksionit publik në 12 muajt e fundit, sipas rregullave për parandalimin e pastrimit të parave dhe financimit të terrorizmit;
- Të dhëna komunikimi: regjistrim zanor i bisedave telefonike me KREDISIMO, korrespondencë elektronike, letra, kërkesa, ankesa dhe informacione tjera kthyese. Kur e përdorni funksionin për bisedë të drejtpërdrejtë (chat) në ueb-faqe, përpunojmëподатоци vetëm ato të dhëna që do t’i futni vullnetarisht në bisedë, respektivisht që do t’i theksoni gjatë transferimit të bisedës te operatori ynë; vetë funksioni ofron pyetje dhe përgjigje të paracaktuara dhe nuk kërkon futjen e të dhënave personale për përdorimin e tij;
- ë dhëna për persona të tretë të theksuar nga Ju: emër dhe mbiemër dhe numër telefoni të personit shtesë për kontakt të theksuar nga Ju (i cili nuk është garant), respektivisht emër, mbiemër, NUAQ, adresë dhe numër telefoni të të autorizuarit Tuaj të theksuar në autorizim. Përdoruesi i kredisë është i detyruar të informojë personin shtesë për kontakt për përpunimin e të dhënave të tij personale dhe për përmbajtjen e kësaj Politike;
- Të dhëna për trashëgimtarë: në rast vdekjeje të përdoruesit të kredisë, të dhëna për anëtarët e familjes, respektivisht trashëgimtarët, për realizimin e të drejtave dhe detyrimeve të tyre;
- Të dhëna teknike të mbledhura automatikisht: gjatë përdorimit të ueb-faqes www.credissimo.mk dhe të aplikacioneve mobile: lloji i pajisjes, adresa IP, ofruesi i internetit, të dhëna për qasje, lloji dhe versioni i shfletuesit, sistemi operativ, cilësimet e zonës kohore, rezolucioni i ekranit, lokacioni i përafërt i pajisjes, si dhe të dhëna për vizitën Tuaj, faqet e vizituara, kohëzgjatja e vizitës, ndërveprimet me përmbajtjen dhe mënyra e qasjes dhe largimit nga faqet.
ІV. BURIMET E TË DHËNAVE PERSONALE
Të dhënat personale primarisht i marrim drejtpërdrejt nga Ju gjatë parashtrimit të kërkesës për lidhjen e kontratës për kredi konsumatore, gjatë krijimit dhe përdorimit të profilit elektronik, gjatë administrimit të kontratës së lidhur, si dhe gjatë çdo komunikimi me ne përmes telefonit, postës elektronike, përmes chat-it, rrjeteve sociale ose kanaleve tjera.
Disa të dhëna teknike mblidhen automatikisht gjatë përdorimit të ueb-faqes dhe të aplikacioneve mobile, në mënyrën e përshkruar në këtë Politikë dhe në Politikën për cookie-t.
Të dhëna personale marrim edhe nga palë të treta, dhe atë nga Byroja Maqedonase e Kredive SHA Shkup dhe nga Shtëpia e Klerimit KIBS SHA Shkup, për vlerësimin e aftësisë Suaj kreditore dhe verifikimin e gjendjes Suaj financiare, si dhe nga banka, institucione financiare dhe pagesore për transaksionet e bëra në favor të Shoqërisë, nga organe shtetërore kompetente dhe regjistra, dhe nga ndërmjetës kreditorë dhe partnerë afaristë përmes të cilëve keni aplikuar për shërbimet tona. Marrjen e të dhënave nga palë të treta e bëjmë në pajtim me LMDhP, ndërsa kur kjo është e paraparë me ligj, në bazë të pëlqimit Tuaj paraprak.
V. QËLLIMET DHE BAZA JURIDIKE PËR PËRPUNIMIN
KREDISIMO i përpunon të dhënat Tuaja personale para së gjithash për përpunimin e kërkesave për lidhjen e kontratës për kredi konsumatore, administrimin e kontratave të lidhura dhe përmbushjen e detyrimeve ligjore që rrjedhin nga veprimtaria e Shoqërisë, përfshirë detyrimet për identifikimin e klientëve, vlerësimin e aftësisë kreditore dhe parandalimin e pastrimit të parave dhe financimit të terrorizmit. Përveç kësaj, të dhënat personale i përpunojmë për komunikimin me Ju në marrëdhëniet parakontraktore dhe kontraktore, sigurimin dhe përmirësimin e funksionalitetit dhe sigurisë së ueb-faqes dhe aplikacioneve mobile, avancimin e cilësisë së shërbimeve, arkëtimin e kërkesave, si dhe vetëm në bazë të pëlqimit Tuaj të shprehur për qëllime të marketingut të drejtpërdrejtë, pjesëmarrjes në Programin e besnikërisë dhe në lojërat shpërblyese.
Pasqyra e qëllimeve të përpunimit dhe e bazës përkatëse juridike sipas nenit 10 të LMDhP është dhënë në tabelën e mëposhtme:
| Qëllimi i përpunimit | Baza juridike |
|---|---|
| Përpunimi i kërkesës dhe lidhja e kontratës për kredi konsumatore | Neni 10 paragrafi (1) pika b) i LMDhP — përpunimi është i nevojshëm për ekzekutimin e një kontrate në të cilën subjekti i të dhënave personale është palë kontraktuese ose për ndërmarrjen e veprimeve me kërkesën e tij para lidhjes së kontratës |
| Identifikimi dhe verifikimi i identitetit të klientit | Neni 10 paragrafi (1) pika c) i LMDhP — detyrim ligjor sipas Ligjit për parandalimin e pastrimit të parave dhe financimit të terrorizmit |
| Vlerësimi i aftësisë kreditore, historisë kreditore dhe të ardhurave | Neni 10 paragrafi (1) pika c) i LMDhP — detyrim ligjor sipas Ligjit për mbrojtjen e konsumatorëve te kontratat për kredi konsumatore dhe Ligjit për byronë e kredive; për marrjen e të dhënave nga Byroja Maqedonase e Kredive — pëlqimi Juaj (neni 10 paragrafi (1) pika a)) |
| Marketing i drejtpërdrejtë, Programi i besnikërisë dhe lojërat shpërblyese | Neni 10 paragrafi (1) pika a) i LMDhP — pëlqimi Juaj i shprehur, i informuar dhe i qartë |
| Komunikimi me klientët dhe regjistrimi i bisedave telefonike | Neni 10 paragrafi (1) pika dh) i LMDhP — interesi legjitim i KREDISIMO për sigurimin e mbështetjes cilësore për përdoruesit dhe vërtetimin e përmbajtjes së komunikimit |
| Mbrojtja e interesave juridike, parandalimi i mashtrimeve dhe arkëtimi i kërkesave | Neni 10 paragrafi (1) pika dh) i LMDhP — interesi legjitim i KREDISIMO për realizimin dhe mbrojtjen e kërkesave juridike |
| Analiza dhe përmirësimi i shërbimeve | Neni 10 paragrafi (1) pika dh) i LMDhP — interesi legjitim i KREDISIMO për avancimin e cilësisë së produkteve dhe shërbimeve |
Kur përpunimi bazohet në interesin legjitim të KREDISIMO, paraprakisht zbatojmë vlerësim se interesat, të drejtat themelore dhe liritë e subjekteve të të dhënave personale nuk mbizotërojnë mbi atë interes. Informacione për vlerësimet e zbatuara mund të merrni përmes OMDhP.
VI. PROFILIZIMI
Gjatë përpunimit të të dhënave personale KREDISIMO bën profilizimin e klientëve sipas disa parametrave, siç janë gjendja ekonomike dhe historia kreditore, për vlerësimin e aftësisë kreditore dhe të rreziqeve, përcaktimin e shumës maksimale të kredisë, parandalimin e mashtrimeve dhe përmbushjen e detyrimeve për parandalimin e pastrimit të parave dhe financimit të terrorizmit.
KREDISIMO nuk merr vendime të bazuara vetëm në përpunim të automatizuar që prodhojnë pasoja juridike ose në mënyrë të ngjashme ndikojnë ndjeshëm mbi Ju. Çdo vendim lidhur me kërkesën Tuaj për kredi përfshin ndërhyrje të rëndësishme njerëzore nga ana e personit të autorizuar të Shoqërisë.
Me pëlqimin Tuaj të shprehur, profilizim mund të përdorim edhe për t’Ju ofruar shërbime dhe oferta marketingu më të përshtatshme, të bazuara në analizën e përdorimit Tuaj të mëparshëm të produkteve dhe shërbimeve tona, preferencave dhe interesave. Në çdo kohë keni të drejtë të parashtroni kundërshtim ndaj profilizimit për qëllime të marketingut të drejtpërdrejtë.
VII. PRANUESIT E TË DHËNAVE PERSONALE
Të dhënat Tuaja personale mund t’i ndajmë me disa kategori pranuesish, vetëm në masën në të cilën kjo është e nevojshme për realizimin e qëllimeve të theksuara në këtë Politikë dhe mbi bazë përkatëse juridike. Ata janë:
- ofrues shërbimesh (përpunues) që veprojnë sipas instruksioneve tona të dokumentuara, siç janë ofrues të shërbimeve për identifikimin dhe verifikimin e identitetit, hostim, zhvillim dhe mirëmbajtje të sistemeve informative dhe të ueb-faqes, shërbime për bisedë të drejtpërdrejtë (chat) në ueb-faqe, shërbime postare, korieri dhe komunikimi, si dhe shërbime për mbështetjen e aktiviteteve të marketingut;
- KREDISIMO SHA, me seli në Sofje, Republika e Bullgarisë, si shoqëri e lidhur në kuadër të grupacionit, te e cila transferohen të dhëna personale në kuadër të bashkëpunimit grupacional dhe mirëmbajtjes së sistemit informativ. Transferimi bëhet në një vend-anëtar të Bashkimit Evropian dhe është i rregulluar me kontratë ndërmjet shoqërive;
- Byroja Maqedonase e Kredive SHA Shkup — për të dhënat për detyrimet Tuaja, sipas Ligjit për byronë e kredive;
- organe dhe institucione shtetërore kompetente, si Drejtoria për zbulim financiar, Ministria e Punëve të Brendshme, Prokuroria Publike, gjykatat, organet inspektuese dhe Agjencia për mbrojtjen e të dhënave personale, kur ekziston detyrim ligjor për dorëzimin e të dhënave;
- në rast mospërmbushjeje të detyrimeve për shlyerje — agjenci të autorizuara për arkëtimin e kërkesave, avokatë, noterë dhe përmbarues, në kuadër të procedurave për arkëtim;
- ofrues të shërbimeve pagesore — gjatë përpunimit dhe arkëtimit të pagesave sipas kontratës për kredi konsumatore;
- fituesit, respektivisht kreditorët pengmbajtës — gjatë transferimit ose vendosjes së pengut mbi kërkesat e KREDISIMO, në pajtim me ligjin.
Të dhënat personale i ndajmë vetëm me pranues për të cilët jemi bindur se zbatojnë masa të përshtatshme teknike dhe organizative për mbrojtjen e të dhënave personale, ku KREDISIMO mbetet kontrollues përgjegjës për besueshmërinë dhe sigurinë e tyre.
VIII. TRANSFERIMI I TË DHËNAVE PERSONALE
Transferimi i të dhënave personale te pranues në vendet-anëtare të Bashkimit Evropian dhe të Hapësirës Ekonomike Evropiane bëhet lirshëm, sipas nenit 57 të LMDhP, sepse ato vende sigurojnë nivel të përshtatshëm të mbrojtjes së të dhënave personale. Në atë kuadër, një pjesë e të dhënave personale transferohen edhe te KREDISIMO SHA në Republikën e Bullgarisë, si vend-anëtar i Bashkimit Evropian.
Një pjesë e përpunimit të një vëllimi të kufizuar të dhënash bëhet edhe te përpunues me seli në një vend të tretë. Konkretisht, funksioni për bisedë të drejtpërdrejtë (chat) në ueb-faqe sigurohet përmes ofruesit Text, Inc. (produkti „LiveChat“), serverët e të cilit ndodhen në Shtetet e Bashkuara të Amerikës. Në këtë mënyrë, ato të dhëna komunikimi dhe teknike që Ju do t’i futni vullnetarisht në bisedë transferohen dhe ruhen në SHBA. Ky transferim bëhet mbi bazën e Klauzolave Standarde Kontraktore të miratuara sipas nenit 53 të LMDhP (Moduli II — transferim nga kontrolluesi te përpunuesi), të integruara në kontratën për përpunim të lidhur me përpunuesin, me çka sigurohen masa të përshtatshme mbrojtëse për nivelin e mbrojtjes së të dhënave Tuaja personale.
Nëse në të ardhmen lind nevoja për transferim te një vend tjetër i tretë, ai do të bëhet vetëm në pajtim me kushtet e përcaktuara në nenet 49 deri 58 të LMDhP, me zbatimin e masave të përshtatshme mbrojtëse, për të cilën do të informoheni paraprakisht.
IX. AFATET E RUAJTJES SË TË DHËNAVE PERSONALE
Të dhënat personale i ruajmë vetëm për kohën që është e nevojshme për realizimin e qëllimeve për të cilat janë mbledhur, respektivisht për kohën e përcaktuar me rregullat në fuqi. Afatet themelore të ruajtjes janë si vijon:
| Kategoria e të dhënave / situata | Afati i ruajtjes |
|---|---|
| Kërkesë për kredi e refuzuar ose e anuluar (kontrata nuk është lidhur) | 1 vit nga dita e refuzimit, respektivisht anulimit |
| Dokumentacioni për identifikimin e klientit dhe vlerësimin e aftësisë kreditore („Njihe klientin tënd“) | 10 vjet nga dita e transaksionit të fundit, sipas Ligjit për parandalimin e pastrimit të parave dhe financimit të terrorizmit |
| Dokumentacioni kontabël dhe tatimor | 10 vjet duke filluar nga 1 janari i vitit që pason vitin për të cilin u referohen të dhënat |
| Të dhëna personale të përpunuara në bazë të pëlqimit për marketing të drejtpërdrejtë | 2 vjet nga dita e dhënies së pëlqimit, pas së cilës pëlqimi mund të rinovohet; në çdo rast — deri te tërheqja e pëlqimit |
| Profili elektronik në sistemin e KREDISIMO | Përderisa profili është aktiv, respektivisht deri te kërkesa e përdoruesit për fshirjen e tij, nëse nuk ekziston bazë tjetër juridike për ruajtjen e mëtejshme |
| Regjistrime zanore të bisedave telefonike dhe transkripte të bisedave të drejtpërdrejta (chat) | Deri në 1 vit nga dita e bisedës, përveç nëse të dhënat janë të nevojshme për realizimin ose mbrojtjen e kërkesave juridike |
| Të dhëna që janë objekt i një kontesti juridik ose procedure para organit kompetent | Deri te përfundimi i formës së prerë i kontestit, respektivisht procedurës para të gjitha instancave |
Pas skadimit të afatit përkatës, të dhënat personale fshihen, respektivisht shkatërrohen në mënyrë të sigurt, përveç nëse ekziston bazë tjetër juridike për ruajtjen e tyre të mëtejshme.
X. SIGURIA E TË DHËNAVE PERSONALE
KREDISIMO zbaton masa të përshtatshme teknike dhe organizative për sigurimin e nivelit të sigurisë të përshtatshëm ndaj rrezikut nga përpunimi, sipas nenit 36 të LMDhP dhe Rregullores për sigurinë e përpunimit të të dhënave personale („Gazeta Zyrtare e RMV“ nr. 266/2024). Komunikimi me ueb-faqen është i mbrojtur me lidhje të enkriptuar, qasja te të dhënat personale është e kufizuar vetëm te personat e autorizuar sipas parimit „duhet të dihet“, ndërsa për çdo qasje dhe veprim mbi të dhënat personale automatikisht mbahen regjistrime që shqyrtohen rregullisht. Infrastruktura pagesore është në pajtim me standardin PCI DSS për sigurinë e të dhënave gjatë transaksioneve me kartelë. Sistemet informative bazohen në softuer të përditësuar dhe të revidiuar rregullisht, ndërsa me akte interne janë përcaktuar kushtet dhe radha për mbledhjen, përpunimin dhe ruajtjen e të dhënave personale në formë të shkruar dhe elektronike, si dhe kontrolli mbi respektimin e tyre.
XI. COOKIES
Ueb-faqja e KREDISIMO përdor cookie, skedarë të vegjël tekstualë që ruhen në pajisjen Tuaj për sigurimin e funksionalitetit të faqes, përmirësimin e efikasitetit të saj dhe ruajtjen e preferencave Tuaja. Informacione të detajuara për llojet e cookie-ve që përdorim, qëllimin e tyre dhe mënyrën e menaxhimit me to përmbahen në Politikën për cookie-t, e qasshme në: https://credissimo.mk/sq/cookies.
XII. TË DREJTAT TUAJA
Lidhur me përpunimin e të dhënave Tuaja personale, sipas neneve 15 deri 22 të LMDhP i keni të drejtat e mëposhtme:
- E drejta e qasjes - të merrni vërtetim nëse KREDISIMO i përpunon të dhënat Tuaja personale, qasje te to dhe informacione për përpunimin, përfshirë qëllimet, kategoritë e të dhënave, pranuesit dhe afatet e ruajtjes;
- E drejta e korrigjimit - ë kërkoni pa vonesë të panevojshme që të korrigjohen të dhënat Tuaja personale të pasakta, respektivisht të plotësohen të dhënat e paplota;
- E drejta e fshirjes („e drejta të harrohesh“) - të kërkoni fshirjen e të dhënave Tuaja personale kur më nuk janë të nevojshme për qëllimet për të cilat janë mbledhur, kur e tërhiqni pëlqimin dhe nuk ekziston bazë tjetër juridike, kur me sukses keni parashtruar kundërshtim ose kur përpunimi është i paligjshëm. Kjo e drejtë nuk zbatohet në masën në të cilën përpunimi është i nevojshëm për përmbushjen e detyrimit ligjor të KREDISIMO ose për realizimin, respektivisht mbrojtjen e kërkesave juridike;
- E drejta e kufizimit të përpunimit - të kërkoni kufizimin e përpunimit kur kontestoni saktësinë e të dhënave për periudhën e verifikimit, kur përpunimi është i paligjshëm e Ju në vend të fshirjes kërkoni kufizim, kur të dhënat më nuk na nevojiten por Ju i kërkoni për kërkesa juridike, ose kur keni parashtruar kundërshtim — deri te verifikimi nëse bazat tona legjitime mbizotërojnë;
- E drejta e transferueshmërisë - të merrni të dhënat personale që na i keni dhënë, në format të strukturuar, të përdorur zakonisht dhe të lexueshëm nga makina, dhe t’i transferoni te një kontrollues tjetër, kur përpunimi bazohet në pëlqim ose kontratë dhe bëhet në mënyrë të automatizuar;
- E drejta e kundërshtimit - në çdo kohë të parashtroni kundërshtim ndaj përpunimit të bazuar në interes legjitim, pas së cilës KREDISIMO do të ndalojë përpunimin përveç nëse dëshmon baza legjitime bindëse që mbizotërojnë mbi interesat, të drejtat dhe liritë Tuaja. Kur kundërshtimi i referohet përpunimit për qëllime të marketingut të drejtpërdrejtë, përfshirë profilizimin për atë qëllim, përpunimi ndalon pa kushte;
- E drejta e tërheqjes së pëlqimit - në çdo kohë të tërhiqni pëlqimin kur përpunimi bazohet në të, pa ndikuar kjo në ligjshmërinë e përpunimit para tërheqjes, as në përpunimin për të cilin ekziston bazë tjetër juridike.
XIII. REALIZIMI I TË DREJTAVE
Kërkesën për realizimin e të drejtave mund ta parashtroni falas, te OMDhP në adresën e postës elektronike dpo@credissimo.mk, me postë në adresën e selisë së Shoqërisë, ose personalisht, respektivisht përmes të autorizuarit me autorizim të rregullt. Kërkesa duhet të përmbajë të dhëna të mjaftueshme për identifikimin Tuaj (emër dhe mbiemër, adresë, telefon, numër të kontratës nëse ekziston), përshkrim të kërkesës dhe mënyrë të preferuar të dorëzimit të përgjigjes. Për mbrojtjen e të dhënave Tuaja, para veprimit mund të kërkojmë vërtetim shtesë të identitetit Tuaj.
Sipas kërkesës Tuaj do të veprojmë pa vonesë të panevojshme, e më së voni në afat prej një muaji nga pranimi. Kur kjo është e nevojshme për shkak të kompleksitetit ose numrit të kërkesave, afati mund të zgjatet për dy muaj shtesë, për të cilën do të informoheni në kuadër të muajit të parë, së bashku me arsyet e zgjatjes. Në rast vdekjeje të klientit, të drejtat e tij i realizojnë trashëgimtarët, me bashkëngjitjen e aktvendimit për trashëgimi te kërkesa.
Nëse konsideroni se përpunimi i të dhënave Tuaja personale nuk është në pajtim me LMDhP, keni të drejtë të parashtroni kërkesë për konstatimin e shkeljes te organi mbikëqyrës: Agjencia për mbrojtjen e të dhënave personale, bul. „Goce Dellçev“ nr. 18 (ndërtesa e RTVM, kati 14), 1000 Shkup, telefon 02 3230 635, e-postë info@privacy.mk, ueb-faqe: azlp.mk.
XIV. NDRYSHIMET E POLITIKËS
KREDISIMO mund herë pas here ta ndryshojë dhe plotësojë këtë Politikë për harmonizim me ndryshimet e rregullave ose me ndryshimet në punën e saj. Çdo version i ndryshuar publikohet në ueb-faqen e KREDISIMO, me datën e theksuar të përditësimit të fundit. Ju inkurajojmë ta shqyrtoni periodikisht Politikën. Kjo Politikë është miratuar me Vendim të menaxherit të KREDISIMO dhe është përditësuar së fundi më 01.07.2026, në cilën datë është publikuar në ueb-faqen e KREDISIMO.