Credissimo - пари навреме
Најубавите подароци не доаѓаат само во луксузно пакување. Понекогаш, најубавиот подарок е оној кој го имаш направено сам и во кој си вложил личен труд и време. Ако сакаш да ја изненадиш твојата половинка со автентичен и персонализиран подарок по повод св. Валентајн, еве неколку направи сам идеи.
Тегла со ,,50 причини зошто го/ја сакаш“
Што ти е потребно?
- Стаклена тегла со капак
- Шарени ливчиња
- Лента за декорација
Како се прави?
Напиши 50 мали пораки со причини зошто го/ја сакаш – романтични или смешни. Свиткај ги и стави ги во теглата. Декорирај ја теглата со лента.
Зошто е посебен подарокот?
Секој ден твојата сакана личност ќе може да извлече по една причина и да се потсети на тоа колку многу ја сакаш.
Персонализирана книга „Нашата приказна“
Што ти е потребно?
- Мал тефтер или празна книга
- Шарени маркери и лепак
- Заеднички фотографии
Како се прави?
Создај албум со вашите најубави спомени – првиот состанок, заеднички патувања, забавни моменти. Додај други фотографии, цртежи и мали детали.
Зошто е посебен подарокот?
Ова е книга што со текот на времето станува се по драга и подрага.
Ваучери за љубовни изненадувања
Што ти е потребно?
- Дебел картон
- Ножици
- Маркери и бујна фантазија
Како се прави?
Направи ваучери за појадок во кревет, масажа, филмска вечер... Подари ги во кутија или рачно направен плик.
Зошто е посебен подарокот?
Ова е подарок што ќе ви носи радост и на двајцата и после празникот.
Домашно чоколадо
Што ти е потребно?
- 200 г темно чоколадо
- 100 мл слатка павлака
- 1 лажица путер
- какао, кокос или јаткасти плодови
Како се прави?
Загреј ја павлаката, додади го темното чоколадо и путер. Стави ја смесата во капап или направи форма на срце. Остави во фрижидер 2 часа.
Зошто е посебен подарокот?
Домашното чоколадо има посебен вкус кога е направено со љубов.
Колаж „Сложувалка од нашите спомени“
Што ти е потребно?
- Голема рамка
- Заеднички фотографии
- Лепак или двострана лента
Како се прави?
Подреди фотографиите во рамка како сложувалка и додај мали пораки.
Зошто е посебен подарокот?
Секој пат кога ќе го погледнеш ќе те потсети на вашите најубави моменти.
Не заборавај дека подарокот што ќе се памети најдолго е оној во кој си вложил дел од твоето срце. Не е важно колку чини, туку каква порака носи. Рачно изработените подароци покажуваат посебно внимание и создаваат емоции што остануваат засекогаш.
Која од овие идеи ќе ја пробаш ти годинава?
