Credissimo донира топол оброк на Клиниката за Инфективни болести

Во време на криза и вонредна состојба во нашата земја и светот, како знак на поддршка на здравствениот систем и здравствените работници и водејќи се од својата заложба за општествена одговорност, во период од две недели ќе започнеме со донација на вкусен, топол оброк за вработените на Клиниката за Инфективни болести и фебрилни состојби во Скопје.

На овој начин сакаме да оддадеме почит на трудот и работата на лицата кои и покрај директната изложеност на вирусот и големиот ризик по своето здравје, безрезервно се борат за животите на своите граѓани.

Со цел одржување на оперативната одговорност и спремност на здравствениот систем во земјава, од 23 февруари па се до 7 март, вработените ќе бидат обезбедени со топол оброк навреме на својата пауза.