Розов октомври: месец за подигање на свеста за ракот на дојката

Секоја година, месец октомври се одбележува со настани за подигнување на свеста за ракот на дојка во земјите ширум светот. Значењето да се биде едуциран за оваа болест не може да се потцени: Ако ракот на дојка се открие во рана фаза, во 9 од 10 случаи може да се излечи, па оттука и важноста на раниот скрининг.

Во услови кога расте бројот на заболени од карцином на дојка, но, за среќа, се намалува процентот на смртноста од ова малигно заболување, потребно е, повторно и повторно, да се укажува на најважните нешта кои се во функција на поефикасно справување со болеста.

Затоа, постојано апелираме – секоја жена навреме да се прегледува – навременото откривање е предуслов за ракот на дојка да може да биде излечен.

По овој повод, на 26.10 имавме настан во East Gate Mall. Настанот беше со цел подигнување на свесноста за ран и редовен преглед кај женската популација.

Тимот на Credissimo како и секогаш со иновативен и посебен пристап се доближи на граѓаните преку подарување на бесплатни ваучери за ехо преглед на градите во болницата Sante Plus. Две девојки споделуваа флаери низ целиот трговски центар како заинтересираните можеа полесно да не најдат и да си подигнат ваучер за бесплатен преглед. Credissimo исто така овозможи преглед на градите на сите жени и девојки вработени во нашата фирма. Тоа е нешто што најмалку може да се направи, а притоа да се спаси нечиј живот.