Дониравме 100.000 ден. за поплавите во Делчево

Дадовме свој придонес во санирањето на штетите во Делчево. Главниот фокус е ставен на обновување на инфраструктурата и санирање на настанатите штети.

И со оваа акција ја потврдивме нашата посветеност кон граѓаните во целата држава. Од пожарите кои го опустошија тој дел од државата во 2021 година до донации од здравствен и образовен карактер, секогаш се вклучуваме и поддржуваме иницијативи кои се насочени за доброто на сите.

Секоја наша донација има за цел да го истакне значењето на социјалната одговорност и да создаде позитивна промена во заедницата, а најмногу да ги поттикне сите кои се во можност да го направат тоа. Ние сме среќни што можеме да бидеме дел од помошта кон луѓето кои имаат потреба и да ги поддржиме во процесот на опоравување од штетите.

Од Општина Делчево ни изразија голема благодарност за покажаниот самоиницијативен интерес да се вклучиме со донација за да им помогнеме во овој тежок период, кога заради временските неповолности беа нанесени големи материјални штети.

Како општествено одговорна компанија сме благодарни и на сите волонтери, институции и други приватни компании кои што се дел од помагањето по ваквите природни непогоди.