Богати и независни жени кои започнале од нула

Богати и независни жени кои започнале од нула

Како до свет во кој жените и мажите ќе бидат рамноправни во сите области на општеството?

- Така што ќе ги истакнеш и ќе ги возвишиш неверојатните достигнувања на жените во светот.

Посветеноста, мудроста и пасијата се двигателите кои можат да го остварат секој сон, без разлика дали си маж или жена. Жените докажале дека можат да бидат инспирација за секого, во сите времиња и насекаде низ светот.

Во оваа прилика, на неколку дена пред Денот на жената, ние од Credissimo издвојуваме 5 жени кои во животот почнале од нула и се стекнале со огромна слава, исто така целосно се залагале за уште поголема еманципација на жената и кршење на добропознатите стереотипи.

Кои се најбогатите и независни жени?

Joan Rowling


Џоан Ролинг

Сигурно ги знаеш книгите за Хари Потер. За нивното „излегување“ на светлина виновна е Џоан Ролинг. Како што самата раскажува, живеела живот на работ на егзистенцијата од социјална помош, со што можела да има само кров над глава и да ги прехрани своите деца. Ништо повеќе.

Додека нејзините деца оделе на училиште, таа ги пишувала романите за Хари Потер. Истите биле одбиени 12 пати од различни издавачки куќи, но 13-тиот пат поминале благодарение на 7-годишната ќерка на директорот на издавачката куќа која ги прочитала и премногу и се допаднале.

Таа е првата милијардерка која богатството го стекнала од пишување книги, а во моментов истото изнесува 1 милијарда долари и е 182-та најбогата личност во Велика Британија.

 

Oprah Winfrey

Oпра Винфри

Тешко е да не добиеш инспирација од приказната на славната Опра Винфри. 

На 9-годишна возраст за првпат била сексуално злоупотребувана од својот братучед, а подоцна и од нејзиниот чичко и пријател на семејството. Овие случки таа не ги пријавила и ги чувала длабоко во себе, што се одразило на нејзиното неодење на училиште и извршување ситни кражби, по што нејзината мајка ја вратила кај нејзиниот татко во Нешвил. На 14 години за првпат раѓа, но 2 недели подоцна нејзиното новороденче умира.

Со својата голема упорност и надеж, се посветила на образованието, станува почесен студент и првата црномуреста ТВ презентерка на локаланта телевизија во Нешвил. Оттаму, целосно се посветува на телевизијата и ја создава својата емисија која до ден-денес е синоним за борбата за синдикални права и обесправеност во животот.

Во моментов, нејзиното богатство изнесува 2,6 милијарди долари.

 

Ursula Burns

Урсула Брнс

Запознај ја првата афроамериканска жена која водела една од 500-те најуспешни компании во светот според Форбс и жената која го трансформираше Xerox од компанија за печатачи до една од најпрофитабилните приказни на денешницата.

Исто како и Опра и таа не наследила богатство, не била добро ситуирана и немала родители на високи функции. Како што и самата вели, нејзиниот успех е благодарение на посветеноста на нејзината мајка и образованието. Нејзините храбри одлуки и одлучниот менаџмент кој инспирирал го вивнува Xerox на листата од топ 500 според Форбс, а по заминувањето од извршната позиција формира движење кое им помага на жените од неразвиените краеви и онаму каде што се малцинства да се етаблираат и да бидат лидери во општеството.

Нејзиното богатство се проценува на 1,2 милијарди долари.

 

Giuliana Benetton

Џулијана Бенетон

Дали знаеш дека италијанскиот моден гигант започнал со една машина за плетење од гаражата на Џулијана и нејзиниот брат Лучијано Бенетон?

Упорноста и пасијата на Џулијана во моментов е пресликано во повеќе од 5 000 продавници низ целиот свет, во 120 земји и продажби поголеми од 2 милијарди долари годишно.

Во моментов оваа женска икона тежи повеќе од 2,7 милијарди долари и понатаму е глава на Бенетон - групацијата!

 

Doris Fisher

Дорис Фишер

Во далечните 60-ти години, сопругот на Дорис не можел да најде добар џинс во Америка и оттаму се раѓа идејата на оваа инспиративна женска приказна.

Дорис решава да создаде погон за џинс и во 1969 година ја отвора својата прва продавница – GAP. Идејата за името доаѓа од генерацискиот јаз кој е создаден во тоа време во Сан Франциско.

Со текот на времето, нивниот бизнис се проширува преку аквизиции на Banana Republic и други бизниси, а во доцните 90-ти години на минатиот век го создаваат и Old Navy. Компанијата и понатаму е гигант на светскиот пазар и покрај смртта на Доналд (сопругот на Дорис) и поседува повеќе од 3 700 продавници во кои работат 150 000 луѓе, генерирајќи речиси 16 милијарди долари во приходи.

Дорис повеќе не е на чело од управувачкиот тим, се занимава со уметнички колекции и ужива во благодетите на животот со богатство од 3,2 милијарди долари.

 



Врати се назад

Прочитај повеќе