Убавината не познава граници. Таа е искрена, непосредна, среќна. Таа е насмевка, добрина. Секогаш посебна, различна и неповторлива.
Убави сме затоа што сме свои!
Токму во оваа порака, традиционално по осми и пат на 14.12.2024 во Струмица се одржа настанот ,,Убави сме, свои сме.“ Беше организиран од Здружението за поддршка и помош на лица со даунов синдром „Вера". Настанот беше концепиран како модна ревија каде се вклучени дечиња и лица со попреченост, кои беа придружувани од личности од јавниот, културниот, политичкиот и општествениот сектор, што со своето несебично ангажирање гласно порачаа дека сите ние сме дел од едно исто општество и ист свет, а со тоа ни следуваат еднакви можности!
Сите блескаа со посебна енергија и искрена радост кои треба да ни бидат потсетување за меѓусебното прифаќање, почитување и препознавање на различноста како нешто што нè прави единствени, а истовремено нè сплотува.
Токму од човечки, но и од општествени побуди Credissimo како општествено одговорна компанија веќе втора година по ред е спонзор на настанот. И оваа година, дониравме 30.000 ден. за придонес и подобрување на условите за овие луѓе, но и за подигнување на свесноста кај граѓаните за нивно инкорпорирање во секојдневниот живот.
