Добрите примери создаваат традиција полна со визија, способност за планирање и дејствување, со цел подобрување и успешност на секоја акција. И најмалите промени, често резултираат со огромни промени во образовниот систем.
За трета година по ред, продолживме со нашата визионерска иницијатива и ги поддржавме најмладите ученици на нивниот прв училишен ден.
Современото општество бара современ систем на образование затоа што тоа е клучен фактор за успехот и просперитетот на нацијата. Токму поради тоа, по трет пат подготвивме изненадување за првачињата. Со кампањата „Секогаш биди број 1”, до сега се опфатени над 1.650 ученици од различни населени места во Македонија, во 45 основни училишта.
Оваа година, доделивме подароци со училишен прибор на првачињата во градовите Струмица, Куманово и Кочани, носејќи искрени насмевки и радост на нивните лица. Во Скопје, посебно внимание беше посветено на учениците од специјалното училиште „Д-р Златан Сремец”, каде децата со посебни потреби ги примија подароците со голем ентузијазам и љубов.
Секоја година, со нашата кампања која станува традиција, се потсетуваме колку е важно да инвестираме во иднината - нашите деца. Тие се хероите кои ќе ја градат и реформираат државата во која живееме. Нашата амбиција не е само да ги поддржиме, туку и да создадеме долгорочна врска со образовната заедница.
Со оваа кампања имаме и поголема цел, да ги поттикнеме децата да веруваат во себе и да ја искористат секоја можност за да се истакнат и да го достигнат врвот. Слоганот „Секогаш биди број 1” не е само мотивација за учениците, туку и порака за сите – да го дадат својот максимум во својот делокруг на дејствување.
Oваа иницијатива е само еден од многуте наши проекти преку кои Credissimo ја покажува својата посветеност кон општеството и одговорноста како компанија која се труди да допринесе за благосостојбата на сите.
.png)
