Како што се покачуваат температурите и стануваат се понемилосрдни, така се зголемува желбата за огромна чаша ладен пијалок. Студена вода и лимонада се првото нешто што ни доаѓа на памет, но понекогаш единственото нешто што навистина може да не разлади е еден вкусен коктел во шарени бои кои само ја развеселуваат атмосферата. Без разлика дали се работи за роденденска забава или само една обична, опуштена собиранка, мора да признаеме дека никој не останува рамнодушен на добар коктел. Па, затоа биди ти кул личноста во друштвото која знае како да ги расположи другарите и импресионирај ги со твоите одлични вештини за мешање алкохолни пијалоци.
Лубеница и текила. Доволно кажано.
Покрај целиот суфицит на лубеницата во лето, одлично би било доколку најдеш начин како да ја искористиш. Сокот од лубеница е потценет материјал за коктели, но доколку знаеш како да го искомбинираш со вистинскиот алкохол, резултатот може многу пријатно да изненади.
Како?
Во мало тенџере, зовриј вода со шеќер и потоа мешај ја смесата на умерена температура околу една минута, па остави ја да се олади. Во блендер направи пире од парчиња лубеница, потоа исцеди го сокот и отстрани ја пулпата. Во друг сад, измешај го сирупот од шеќер со сок од лимета, боровница и ливчиња од нане. Користејќи дрвена лажица, нежно измешај ги боровницата и нането. Додај го сокот од лубеница и текилата. Олади ја смесата во фрижидер околу 2 часа. Сервирај го коктелот во висока, стаклена чаша, декорирана со ливчиња нане.
Смрзнато, медено задоволство
Доколку во коктелите мешаш алкохол со комбинирани овошни вкусови од иста ботаничка фамилија, дефинитивно не можеш да промашиш. Овој кул и лесен коктел е идеален за лето, бидејќи содржи освежителни состојќи како краставица и диња кои всушност припаѓаат на иста фамилија растенија. Овој пијалок е идеален за секоја прилика, без разлика дали си на одмор, дома или во твојата викендица, бидејќи потребни се само 5 минути за правење.
Како?
Во сад, измешај сол, шеќер и семиња од анасон. Потоа, намачкај го надворешниот раб на претходно оладени вински чаши со сок од лимета и мешавината со анасон. Во блендер, измешај лимета, џин, краставица, диња, лимон, мед и мраз. Сервирај го пијалокот со парче краставица и топчиња од диња.
Освежителен босилек
Овој лесен и освежувачки коктел потекнува од јужниот дел на Франција каде босилекот е една од најкористените билки во кујната. Во висока стаклена чаша, испасирај праска со 6 листови босилен и сок од лимон. Додади џин, бело вино и сируп од шеќер. Додади коцки лед и кисела вода и за крај украси го коктелот со босилек. Ова совршено ќе те освежи од пеколната жештина ова лето.
Алкохолните пијалоци и доброто расположение се веќе тука. За се друго ќе се погрижи „Credissimo до плата“ до 20.000 денари со 0% камата и без дополнителни административни трошоци или „Credissimo плус" до 80.000 денари кои ќе ти ја овозможат најдобрата забава ова лето која твоите другари нема да ја заборават.
