Време е да одберете хоби за своето дете

Современите деца премногу време поминуваат пред компјутер. Некои родители го прифатиле тоа како нешто нормално, а други се обидуваат да наложат правила, кои често не се корисни. Денес, повеќе од кога било, е важно родителите да ги насочуваат децата кон некое хоби и во исто време да им помогнат да го откријат својот потенцијал, да развијат самодоверба, интелект, емоционална зрелост… Сето тоа може да биде почеток на една страст, која ќе трае целиот живот.

Поставувајте прашања

Која вродена дарба ја има вашето дете? Дали е повеќе творечки ориентирано или пројавува повеќе интерес кон спортот? Дали е затворено и повлечено или слободно и комуникативно?

Освен што го пополнува слободното време со конструктивна активност, хобито го полни детето со позитивна енергија, чувство на задоволство и помага во развојот на довербата во сопствените способности. Ако едно дете постојано добива негативни критики за тоа што го прави, веројатно еден ден полесно ќе избере погрешен начин за да најде внатрешен мир.

Без разлика кое хоби сте го одбрале, тоа води до учење нови нешта и помага децата да читаат повеќе. Децата не сакаат да читаат поради тоа што тематиката во книгите не им е интересна. Кога еднаш ќе ја откријат својата сфера на интерес, читањето литература од таа област за нив станува нешто како природен импулс. Зашто сакаат да научат сè повеќе.

Пред да почнете да го насочувате кон конкретно хоби, прашајте се зошто баш тоа е добро за него. Важно е да помислите на слабите и на силните страни на детето. Одберете нешто што знаете дека го сака и е успешно во тоа. На пример, ако ги сака музиката и танцот, запишете го во некоја група за танцување. Тоа ќе му помогне да си најде нови пријатели и да ги развие добро своите способности.

Ако вашето дете пројави афинитет кон музиката и кон некој музички инструмент, дајте му шанса да се развие. Свирењето на музички инструмент ќе го направи детето поуверено во себе и својот потенцијал. Музиката смирува и ги прави луѓето помалку агресивни и импулсивни. Децата што се занимаваат со вакво хоби секогаш имаат со што да го пополнат слободното време. Се развива и концентрацијата и чувството за посветеност на дадена цел.

Бидете креативни

Цртањето и боењето се активности што го помагаат развојот на творењето кај децата. Се развиваат концентрацијата и асоцијативното мислење. Ова хоби помага децата да се изразат слободно. Кога детето е помало, убаво би било да работи заедно со родителот. Но кога малку ќе порасне, треба да се остави само да црта. Повремено може да разговарате за нештата што ги црта. Тоа ќе ви помогне да ги разберете неговите потреби подобро.

За татковците риболовци, ова веројатно не е евтина варијанта, зашто опремата е скапа. Сепак, може да ги однесете своите деца на риба, со јадица направена во домашни услови, од прачка, рибарски конец и мамка. Риболовот развива трпеливост, концентрација и брзи реакции. Воедно е добар начин да се помине времето со целото семејство во природа.

Куќичка за кукли, минијатурен мебел и сè што ќе ви падне напамет…може да биде добро хоби за децата. Ако вашата ќерка е творечки ориентирана и сака да изработува разни предмети, може да ѝ предложите да направите куќа за кукли, која ќе ја средите со разни предмети. Ако, пак, имате момче, кое го влече мајсторството , може да го мотивирате да направи камиончиња, ракети, коли од материјали што ги имате дома - картонски кутии, ролни од тоалетна хартија или пластични шишиња.

Без разлика за што ќе се одлучи вашето дете, во секој поглед, секогаш треба да има поддршка од родителите. Секое хоби е добредојдено за правилен развој на детето, затоа најдобро е да го следите и да видите кон што покажува афинитети. А аа финансиите кои ви се потребни за да ги задоволите потребите на децата, обратете се на Credissimo!
Aплицирајте за „Credissimo плус" до 80.000 ден. или за „Credissimo до плата" и секој 1-ви и 5-ти кредит во износ до 12.000 денари, е без камата, со рок на враќање до 30 дена.